Cysylltiadau dŵr newydd – maint safonol

Os ydych chi'n adeiladu cartref neu eiddo masnachol newydd (fel siop, swyddfa neu adeilad diwydiannol), oni bai eich bod chi'n bwriadu cynaeafu dŵr glaw, mae'n debygol y bydd arnoch angen cysylltiad newydd â'n prif bibell ddŵr.

Mae'n bosibl y bydd arnoch angen cysylltiad dŵr newydd wrth:

adeiladu eiddo newydd
ychwanegu at adeilad sy’n bodoli eisoes (e.e. codi estyniad, cyfadeilad neu anecs)
trefnu cyflenwad ar gyfer adeilad dros dro
trosi adeilad yn nifer o unedau â chyflenwadau unigol
trosi eiddo a oedd yn arfer cael ei ddefnyddio at ddiben gwahanol (er enghraifft, troi sgubor neu fodurdy yn dŷ/cartref)
gosod offer atal tân (e.e. taenellwr tân)
trefnu cyflenwad at ddibenion dyfrhau
symud o gyflenwad preifat

Efallai y bydd arnoch angen cyflenwad dŵr amgen os:

yw pwysedd eich dŵr yn isel a bod angen cyflenwad mwy arnoch
ydych chi'n gwahanu cyflenwad a rennir
ydych chi'n trosi eiddo yn nifer o unedau sy'n rhannu cyflenwad

Os oes unrhyw gwestiynau gennych am y broses, dylai ein nodiadau canllaw manwl ar waelod y dudalen hon fod o gymorth.

Faint o amser bydd hyn yn ei gymryd?
Mae yna sawl cam yn y broses newydd o drefnu cysylltiad dŵr newydd:

Byddwn yn adolygu eich cais o fewn 5 diwrnod gwaith ac efallai y byddwn yn cysylltu â chi os oes angen rhagor o wybodaeth. Er mwyn osgoi oedi, gwnewch yn siŵr bod y ffi cais wedi’i thalu.

Byddwn yn anfon dyfynbris atoch yn dweud faint fydd y cysylltiad yn costio o fewn 28 diwrnod i dderbyn y cais llawn.

Bydd angen i chi dalu’r dyfynbris, cloddio’r ffos a gosod y bibell gyflenwi. Unwaith y bydd eich gwaith yn barod i’w arolygu (yn unol â’r nodiadau canllaw a ddarparwyd gyda’r dyfynbris) cysylltwch â ni os gwelwch yn dda.

Bydd angen i chi gysylltu â ni i drefnu archwiliad ffosydd y byddwn yn anelu at ei gwblhau mewn 5 diwrnod gwaith.

Hunan-ardystio

Mae hyn yn caniatáu i gontractwyr cymeradwy archwilio a llofnodi eu gosodiadau ffosydd eu hunain heb aros i arolygydd Dŵr Cymru ddod i’r safle. Cliciwch yma am fwy o wybodaeth.

Byddwn yn adeiladu'r blwch terfyn ac yn eich cysylltu o fewn 21 diwrnod (er y bydd hyn yn cymryd mwy o amser os bydd angen i ni wneud gwaith yn y briffordd).

Beth fydd y gost?
Mae cost cysylltiad dŵr newydd yn cynnwys pedair cost gwahanol, sef:

Ffi o'r bron na ellir ei had-dalu yw hon. Rhaid ei thalu adeg cyflwyno'r cais gan ddefnyddio cerdyn credyd neu ddebyd dilys.

Y pris am gysylltiad safonol yw £148.74+TAW y cais. Bydd y dyfynbris a gewch chi'n ddilys am chwe mis. Wedyn bydd angen i chi dalu ffi ymgeisio newydd. I wneud cais am gysylltiad safonol, mewngofnodwch i'r porth ar waelod y dudalen hon.

Tâl cysylltu

Ar gyfer cysylltiadau maint safonol, mae’r costau’n cael eu paratoi’n unigol ac yn seiliedig ar faint o waith y mae angen ei gyflawni i’ch cysylltu chi â’n rhwydwaith dŵr. Mae pob cysylltiad yn cael ei greu fesul achos unigol gan ddefnyddio’r prisiau sydd wedi eu nodi yn y rhestr taliadau. Gallai fod yna ffioedd ychwanegol hefyd, fel lle mae angen metrau ychwanegol i dynnu’r bibell wasanaeth i’r pwynt cysylltu. Mae rhagor o fanylion am hyn o dudalen 9 ymlaen ar ein rhestr taliadau. Dim ond lle nad yw’r eiddo wedi ei eithrio rhag TAW y codir TAW.
Yn achos cysylltiadau mwy, byddwn ni'n llunio dyfynbris pwrpasol. Dim ond lle nad yw'r eiddo wedi ei heithrio rhag TAW y codir TAW.
Any traffic management costs that are out of the norm, i.e. road closure, 4-way traffic lights, pedestrian crossing suspensions etc, will be payable by the applicant who is requesting the connection.

Tâl seilwaith dŵr

Tâl untro yw hwn:

£541 yr eiddo am gysylltiad safonol
£541 x y lluosrif perthnasol am gysylltiadau mwy (mae manylion ein lluosrifau ar dudalennau 22-23 o'r rhestr taliadau)

Tâl seilwaith gwastraff

Tâl untro yw hwn sy'n cael ei bennu gan ein rheoleiddiwr, Ofwat. Mae'n berthnasol i eiddo sy'n cysylltu â'n system garthffosiaeth hefyd ac sy'n dewis cael cysylltiad dŵr safonol newydd:

£541 yr eiddo am gysylltiad safonol
£541 x y lluosrif perthnasol am gysylltiadau mwy (mae manylion ein lluosrifau ar dudalennau 22-23 o'r rhestr taliadau)

Ble yn berthnasol , bydd angen i chi wneud cais am gysylltiad carthffosiaeth ar wahân. Am ragor o wybodaeth, dilynwch y cliciwch yma.

Ffioedd rheoli traffig

Os oes angen rheoli traffig mwy helaeth—megis goleuadau traffig pedair ffordd, cau ffyrdd, neu atal croesfannau cerddwyr—bydd tâl ychwanegol yn berthnasol. Mae’r mesurau hyn yn cynnwys costau ychwanegol gan awdurdodau priffyrdd a darparwyr rheoli traffig, nad ydynt wedi’u cynnwys yn ein cyfraddau safonol.

Costau mynediad tir

Pan fo angen i Dŵr Cymru wneud gwaith ar dir preifat, rydym yn codi tâl i gwmpasu’r costau sy’n gysylltiedig. Mae hyn yn cynnwys yr ymgynghoriad cychwynnol, paratoi a chyflwyno hysbysiadau, a chydgysylltu â pherchnogion tir, i gyd wedi’u rheoli gan ein tîm Ystadau.

Costau pwrpasol

Mewn rhai achosion, efallai y bydd angen i ni osod ffitins penodol neu gymryd camau ychwanegol i ddiogelu cyfanrwydd y rhwydwaith presennol ac osgoi unrhyw darfu ar gwsmeriaid presennol. Pan fo hyn yn ofynnol, bydd tâl ychwanegol yn berthnasol. Enghreifftiau’n cynnwys gosod falf lleihau pwysedd i reoli prif bwysedd uchel, darparu tanciau dŵr i gynnal cyflenwad yn ystod cau asedau mawr sy’n angenrheidiol ar gyfer y cysylltiad, neu gynnal modelu hydrolig i asesu’r effaith bosibl ar y rhwydwaith o gysylltiad newydd. Dim ond pan fydd wedi’i gadarnhau bod y mesurau hyn yn hanfodol i gwblhau’r cysylltiad y caiff y taliadau hyn eu cymhwyso.

Am fanylion ein prisiau, darllenwch ein rhestr o daliadau yma.

I weld cost ddangosol sylfaenol ar gyfer eich cysylltiad dŵr newydd, gweler isod. Mae’r gost ddangosol hon yn seiliedig ar faint y cysylltiad yn unig.

Sylwch, nid yw hyn yn gais ffurfiol am wasanaethau dŵr nac yn gadarnhad o’r gost derfynol a gynigir.

Nid yw’r gost ddangosol hon yn ystyried faint o waith sydd ei angen ac nid yw’n cynnwys ffioedd megis rheoli traffig neu ffioedd TAW penodol ac ati.